A Dirección de Augas de Galicia como órgano de contratación, ao abeiro da Resolución do 30 de xaneiro de 2012 de delegación de competencias ditada pola presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública, e para os efectos previstos na normativa da Unión Europea, reguladora dos fondos europeos en relación coa obriga de información e publicidade das actuacións cofinanciadas polos ditos fondos, procede a dar publicidade á actuación que a continuación se relaciona en previsión do seu cofinanciamento pola Unión Europea:

1) Obxecto do contrato.

Título: servizo de asesoramento para o proxecto PATCO-ARA Norte. Mozambique.

Clave do expediente: M.13.038.

Descrición: o obxectivo xeral do proxecto é o de garantir o desenvolvemento da xestión dos recursos hídricos e das infraestruturas hidráulicas de Mozambique, contribuíndo á redución da pobreza da poboación.

Orzamento de adxudicación: importe neto: 17.995,00 euros. Importe total: 21.773,95 euros.

Prazo de execución: 24 meses.

Data da adxudicación: 1 de xullo de 2013.

Contratista: Devalar Consultoría Europea, S.L.

2) Cofinanciamento da Unión Europea.

A actuación referida cofinánciase pola Unión Europea nunha porcentaxe máxima do 75 % a través do proxecto parcería de apoio técnico á consolidación da Administración Rexional de Augas do Norte (ARA-Norte), Mozambique.

Augas de Galicia é o socio coordinador do mencionado proxecto no marco da convocatoria da DG EuropeAid (da Unión Europea): 10 EDF ACP - EU Water facility Restricted Call for Partnerships for Capacity Development in the ACP Water & Sanitation Sector (EUROPEAID/129510/C/ACT/Multi).

Con data do 2 de agosto de 2011 resolveuse dende a Comisión Europea outorgar a Augas de Galicia unha subvención para o financiamento do proxecto PATCO ARA-Norte asinado pola Unión Europea o 8 de xuño de 2012 e por Augas de Galicia con data do 25 de xuño de 2012 co contrato subvención número 2011/257-073.

Santiago de Compostela, 26 de agosto de 2013

P.D. (Resolución do 30.1.2012; DOG nº 21, do 31 de xaneiro)
Francisco Menéndez Iglesias
Director de Augas de Galicia