Verónica Fernández González solicita nesta alcaldía licenza municipal para a instalación dunha cafetaría dunha cunca na travesía da Peregrina, nº 3, baixo, en Bertamiráns.
Para cumprir co disposto no artigo 36b do Real decreto 2816/1982, do 27 de agosto, polo que se aproba o Regulamento xeral de policía de espectáculos públicos e actividades recreativas, sométese a información pública por un período de dez (10) días hábiles que comezará a contar desde o día seguinte ao da inserción deste edicto no Boletín Oficial da provincia, no Diario Oficial de Galicia e no taboleiro de anuncios deste concello.
Durante este tempo as persoas que dalgún xeito se consideren afectadas pola actividade que se pretende instalar poderán examinar o expediente no Departamento de Urbanismo deste concello, sito na rúa Alcalde Lorenzo, 2, 1º, Bertamiráns, das 9.00 ás 14.00 horas, e formular por escrito as reclamacións ou observacións que xulguen oportunas.
Ames, 1 de agosto de 2013
Santiago V. Amor Barreiro
Alcalde