Esteban Parra Ramos solicita nesta alcaldía licenza municipal para a instalación dun depósito de gas licuado do petróleo na estrada Santiago de Compostela-Noia, km 7,5, no lugar dos Batáns (Bertamiráns), parroquia de Ortoño.

Para cumprir co disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de 20 días hábiles que comezará a contar desde o día seguinte ao da inserción deste edicto no Boletín Oficial da provincia, no Diario Oficial de Galicia e no taboleiro de anuncios deste concello no Milladoiro e Bertamiráns.

Durante este tempo, as persoas que dalgún xeito se consideren afectadas pola actividade que se pretende instalar poderán examinar o expediente, no Departamento de Urbanismo deste concello, situado na rúa Alcalde Lorenzo, 2, 1º, Bertamiráns, das 9.00 ás 14.00 horas, e formular por escrito as reclamacións ou observacións que xulguen oportunas.

Ames, 1 de agosto de 2013

Santiago V. Amor Barreiro
Alcalde