No Boletín Oficial da provincia de Lugo número 41, do 19 de febreiro de 2008, publícanse as bases que rexen a aceptación e asunción, por delegación expresa, de competencias en materia de xestión, inspección e recadación en relación con tributos, prezos públicos e outros ingresos de dereito público, así como o alcance e contido da delegación efectuada, entre outros, polo Concello de Baralla. Tamén foi publicado no Diario Oficial de Galicia número 46, do 5 de marzo de 2008.

No Boletín Oficial da provincia de Lugo número 286, do 13 de decembro de 2008, publícase a reforma das citadas bases.

O Concello de Baralla amplía a delegación de competencias, a cal foi aprobada polo Acordo adoptado pola Xunta de Goberno Local en sesión ordinaria que tivo lugar o día 31 de maio de 2013, que é aceptada pola Deputación Provincial (Decreto 1482, do 14 de xuño de 2013), segundo o teor literal seguinte:

«… Acordo:

Primeiro. Delegar na Deputación Provincial de Lugo as competencias de xestión recadatoria en período voluntario, a partir do 1 de xullo de 2013, de:

– Taxa de subministración de auga potable a domicilio.

– Canon de auga.

– Taxa pola prestación de servizos de depuración de augas residuais e sumidoiros.

– Taxa pola recollida e tratamento dos residuos sólidos urbanos.

Segundo. Remitir certificación do presente acordo á Deputación Provincial de Lugo para o seu coñecemento e demais efectos.

Terceiro. Falcultar o alcalde para a sinatura da documentación pertinente para a execución do presente acordo».

O día 12 de xullo de 2013, no Boletín Oficial da provincia de Lugo número 159, publícase o contido do acordo do citado concello.

Lugo, 15 de xullo de 2013

P.D. (Decreto 2821/2011, do 15 de xullo)
Mª del Pilar García Porto José Antonio Mourelle Cillero
Deputada delegada de Economía, Secretario
Recadación e Facenda