Outorgada a declaración de utilidade pública que leva implícita a urxente ocupación dos bens e dereitos afectados polas instalacións do aproveitamento hidroeléctrico de Ponte Olveira II, no río Xallas, no termo municipal de Mazaricos (expediente IN408A 2005/13), pola Resolución da Dirección Xeral de Industria, Enerxía e Minas do 19 de xullo de 2013, a favor da entidade beneficiaria Ferroatlántica, S.A.U. con enderezo na estrada ao Miradoiro, s/n, O Ézaro, 15297 Dumbría (A Coruña).

Esta xefatura territorial acorda sinalar o día 26 de setembro de 2013 para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu regulamento do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución no taboleiro de edictos do Concello de Mazaricos, deducida da que se someteu a información pública no DOG, BOP e no xornal La Voz de Galicia con datas 20 de maio de 2013, 14 de maio de 2013 e 7 de maio de 2013, respectivamente, acto ao que deberán concorrer os propietarios propostos dos predios afectados, aos que se lles practicará notificación individual, sinalándoselles os horarios de toma de datos sobre o terreo e do levantamento efectivo das actas nas oficinas da referida Casa do Concello.

Esta publicación realizarase igualmente para os efectos do artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ao Ministerio Fiscal as dilixencias que se produzan destes, de conformidade co artigo 5 da devandita Lei de expropiación forzosa.

A Coruña, 16 de agosto de 2013

P.A. (Artigo 30.3 do Decreto 110/2013, do 4 de xullo)
Isidoro Martínez Arca
Xefe do Servizo de Administración Industrial

ANEXO
Relación de bens e dereitos afectados