O tenente de alcalde responsable da Área de Medio Ambiente, Infraestruturas e Territorio, con data do 17 de xullo de 2013, por delegación do alcalde a través do Decreto do 13 de xuño de 2011, emite decreto en que se aproban os seguintes puntos:
«Decreto:
1. Aprobar definitivamente a expropiación parcial dos locais comerciais 1 y 2 da planta baixa do inmoble número 14 da rúa Ramón Cabanillas, cuxa relación de bens e dereitos afectados é:
– Baixo esquerdo:
Titular: Teresa Montero Amado e Jacobo Montero Amado.
Ben: local baixo esquerda Ramón Cabanillas 14.
Predio rexistral: 21769, Rexistro da Propiedade número 1 da Coruña.
Tipo de afección: parcial.
Superficie afectada: 1,47 m2.
– Baixo dereito:
Titular: Matilde María López González, María Pilar López González e Antonio Iglesias López.
Ben: local baixo dereita Ramón Cabanillas 14.
Predio rexistral: 21767, Rexistro da Propiedade número 1 da Coruña.
Tipo de afección: parcial.
Superficie afectada: 1,80 m2.
2. Esta aprobación definitiva do expediente de taxación conxunta implica a declaración de urxencia de ocupación dos bens e dereitos afectados polo proxecto de expropiación, de conformidade co establecido no artigo 144.1 da LOUPMRG. En consecuencia, o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación de prezo xusto.
3. Notificar o contido desta resolución de xeito individualizado a todos os que aparezan como titulares de bens e dereitos afectados que figuran no expediente, aos cales se achegará a correspondente folla de valoración, outorgándolles un prazo de vinte días durante o cal poderán manifestar por escrito ante este concello a súa desconformidade coa valoración establecida no expediente aprobado, de acordo co disposto no artigo 143, 7º da LOUPMRG, advertíndoos de que, transcorrido o devandito prazo sen que se formule oposición á valoración, se entenderá aceptada a que se fixo no acto aprobatorio do expediente, entendéndose determinado o prezo xusto definitivamente e de conformidade.
4. Publicar a presente resolución no Diario Oficial de Galicia».
A Coruña, 18 de xullo de 2013
Martín Fernández Prado
Tenente de alcalde responsable da Área de Medio Ambiente,
Infraestruturas e Territorio