Álvaro Louro Ojea, en representación de Perfeccionamiento y Técnicas de Conducción, S.L., solicita licenza municipal para a instalación da actividade de taller de reparación mecánica de automóbiles, sometida a avaliación de incidencia ambiental, que se desenvolverá na parcela I-9 do polígono industrial de Muimenta deste termo municipal. Neste concello tramítase o oportuno expediente.
En cumprimento do disposto no artigo 8 do Decreto 133/2008, do 12 de xuño, polo que se regula a avaliación de incidencia ambiental, procédese a abrir período de información pública, mediante anuncio no Diario Oficial de Galicia e no Boletín Oficial da provincia, por período de vinte días –que empezará a contar desde o día seguinte ao da última publicación–, para que todos aqueles que se consideren afectados pola dita actividade poidan examinar o expediente, que se atopa á súa disposición na Secretaría Municipal, e formulen por escrito reclamacións ou observacións, se o consideran oportuno.
Cospeito, 1 de xullo de 2013
Armando Castosa Alvariño
Alcalde