Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Redes de Telecomunicación Galegas Retegal, S.A.
Domicilio social: avenida Fernando de Casas Novoa, 35 B, 3º C-D, 15707 Santiago de Compostela.
Denominación: LMTA ao CT do centro de telecomunicacións PO-05 A Lama.
Situación: A Lama.
Características técnicas: LMT aérea a 20 kV con condutor LA-56 de 180 metros de lonxitude, con orixe no tramo 804 5276 da LMT SJG804 Cerdedo-cog. C.H. Dorna 4 e final no CT que dará subministración ao centro de telecomunicacións PO-05 A Lama. A instalación está situada en Outeiro Calvo-Monte A Lama, concello da Lama.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, durante o mencionado prazo, tamén se poderá examinar o proxecto da instalación.
Pontevedra, 25 de xuño de 2013
Ignacio Rial Santomé
Xefe territorial de Pontevedra