O artigo 6.b) da Lei 4/1994, do 14 de setembro, de estradas de Galicia, atribúelle ao Consello da Xunta de Galicia a competencia para aprobar a relación e clasificación das estradas de titularidade das entidades locais, en defecto do correspondente plan.

Con data 14 de xuño de 2013 a Deputación Provincial de Ourense, por instancia do Concello de Oímbra, solicitoulle á Xunta de Galicia a aprobación da relación de estradas de titularidade municipal do dito concello, coa petición de que fosen consideradas, para os efectos de catalogación, como redes secundarias, segundo o artigo 10.4 da Lei 4/1994, do 14 de setembro, de estradas de Galicia.

Posteriormente, o 4 de xullo de 2013 a Axencia Galega de Infraestruturas emite informe favorable á proposta da rede do concello de Oímbra.

Na súa virtude, por proposta do conselleiro de Medio Ambiente, Territorio e Infraestruturas e logo da deliberación do Consello da Xunta de Galicia, na súa reunión do día dezaoito de xullo de dous mil trece,

DISPOÑO:

Artigo único. Aprobar a relación de estradas de titularidade municipal do Concello de Oímbra, que figura como anexo a este decreto, catalogadas como estradas secundarias, ao abeiro do artigo 10 da Lei 4/1994, de 14 de setembro, de estradas de Galicia.

Anexo:

Inclúese no anexo que se xunta a este decreto unha relación de estradas en que concorren as circunstancias aludidas. Así mesmo, na páxina web da Consellería de Medio Ambiente, Territorio e Infraestruturas (http://www.cmati.xunta.es/tema/c/Infraestruturas_Estradas)
encóntrase á disposición dos interesados un plano onde quedan reflectidas as estradas que se van aprobar de titularidade municipal do concello de Oímbra.

Santiago de Compostela, dezaoito de xullo de dous mil trece

Alberto Núñez Feijóo
Presidente

Agustín Hernández Fernández de Rojas
Conselleiro de Medio Ambiente, Territorio e Infraestruturas

ANEXO
Relación de estradas municipais