Por instancia de Ganadería Lorenzo Vilameá, S.C., representada por Aurelio Lorenzo Vilameá, o Concello de Lalín está tramitando o expediente para a obtención da licenza de obra para legalización e ampliación de explotación de vacún no lugar de Froxán, parroquia de Castro de Cabras, Lalín (Pontevedra) (expediente núm. 7150/13).
En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública o expediente mediante anuncios no Diario Oficial de Galicia e no Boletín Oficial de Pontevedra e exposición no taboleiro de anuncios do concello, para que poida ser examinado no Departamento de Urbanismo-Licenzas e se formulen, se é o caso, alegacións ou reclamacións contra el durante o prazo de vinte días contados desde o seguinte ao da publicación deste anuncio no DOG.
Lalín, 23 de xullo de 2013
Román Rodríguez González
Concelleiro delegado de Urbanismo