Por Resolución desta alcaldía, do 12 de xuño de 2013, aprobouse inicialmente o estudo de detalle para a ordenación de volumes nun predio sito na avenida das Carolinas, redactado polo arquitecto Gerardo Seoane Fidalgo e promovido por José Rey Abelenda, en nome de Metalgráfica Gallega, S.A.
Conforme o establecido no artigo 86.2 da Lei 9/2002, de ordenación urbanística e protección do medio rural de Galicia, modificada pola Lei 15/2004, do 29 de decembro, o dito estudo estará exposto ao público, na Xerencia de Urbanismo, durante o prazo de vinte días, contados a partir do día seguinte ao da publicación deste anuncio no Diario Oficial de Galicia. Nese prazo poderanse presentar reclamacións ou alegacións.
Vilagarcía de Arousa, 3 de xullo de 2013
Tomás Javier Fole Díaz
Alcalde