Antonia María Franco Sarabia, notaria do Ilustre Colexio de Galicia, con residencia en Ortigueira, fago constar que se iniciaron, perante min, os trámites para a venda extraxudicial por medio de poxa, por instancia da sociedade mercantil anónima denominada Banco Español de Crédito, S.A., hoxe Banco Santander, S.A., do seguinte predio hipotecado:

Urbana e rústica. Nas proximidades desta vila de Ortigueira, arriba da fonte de Curuxeira, predio antes a secaño, hoxe sen cultivo específico, denominado A Paulera, que pode aparecer como Curuxeira, na cal está situada unha vivenda unifamiliar dunha soa altura, coa superficie construída de sesenta e dous metros cadrados aproximadamente. Ten unha superficie todo o predio de dezaoito áreas e sesenta centiáreas. Linda: ao norte, con María Concepción Beltrán del Lis Gordillo; ao sur, con Carlos Antonio Cobelo Blas; ao leste, con María Manuela Anuncia López Pedre; e ao oeste, co camiño que da fonte de Curuxeira vai a Brandaliz, que separa de María Concepción Beltrán de Lis Gordillo.

Inscrita no Rexistro da Propiedade de Ortigueira, tomo 535, libro 252, folio 195, predio 11.519, inscrición 5ª.

Referencia catastral: 001803500NJ93G0001AQ.

A poxa terá lugar na Notaría sita en Ortigueira, na avenida Estrada Xeral, número 107, baixo, o próximo día 17 de setembro de 2013, ás 13.30 horas, ao tipo pactado na escritura de constitución da hipoteca, que é a cantidade de cento vinte e catro mil catrocentos sesenta e seis euros e corenta e seis céntimos de euro (124.466,46 €).

Para tomar parte na poxa, os ofertantes deberán consignar previamente unha cantidade equivalente ao 30 por cento do tipo pactado, e terán que presentar o xustificante de efectuar o depósito na conta corrente número 0030 6106 91 0000814272 de Banesto, Grupo Santander, sita nesta mesma vila de Ortigueira, na avenida Estrada Xeral, número 88.

A documentación e a certificación rexistral a que se refiren os artigos 236.a) e 236.b) do Regulamento hipotecario poderán consultarse na notaría de luns a venres das 10.00 ás 14.00 horas. Entenderase que todo licitador acepta como bastante a titulación achegada. As cargas, gravames e asentos anteriores á hipoteca que se execute continuarán subsistentes.

A poxa rexerase polo disposto no artigo 12 do Real decreto lei 6/2012, do 5 de marzo, de medidas urxentes de protección de debedores hipotecarios, e na cal non fose incompatible polo artigo 236 do Regulamento hipotecario.

Ortigueira, 8 de xullo de 2013

A notaria