En cumprimento do disposto no artigo 28 do Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, esta Dirección dispón que se publique no Diario Oficial de Galicia o acordo adoptado polo Consello da Xunta na súa reunión do 11 de xullo de 2013, que a seguir se transcribe:
Declarar festas de Galicia de interese turístico, de conformidade co establecido no Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, as seguintes:
– Feira do Xamón da Cañiza, que se celebra o 15 de agosto no concello da Cañiza (Pontevedra).
– Festa do Pan de Neda, que se celebra o primeiro domingo de setembro no concello de Neda (A Coruña).
– O Naufraxio de Laxe, que se celebra o 17 de agosto, no concello de Laxe (A Coruña).
Santiago de Compostela,17 de xullo de 2013
Mª Nava Castro Domínguez
Directora da Axencia Turismo de Galicia