1. Entidade adxudicadora.
a) Organismo: Axencia para a Modernización Tecnolóxica de Galicia.
b) Dependencia que tramita o expediente: Departamento de Contratación.
c) Número de expediente: 47/2013.
2. Obxecto do contrato.
a) Descrición do obxecto: subministración do equipamento microinformático para os centros educativos públicos dependentes da Consellería de Cultura, Educación e Ordenación Universitaria, integrados no proxecto Abalar.
b) División por lotes e número: si, 6.
c) Prazo e lugar de entrega: o prazo de entrega da subministración obxecto do presente contrato será de 2 meses contados a partir da data de formalización do contrato, sen prexuízo da realización das actuacións derivadas da entrega, que se estenderán durante o prazo de garantía. Neste prazo os equipos que hai que subministrar deberán estar instalados, configurados e postos en produción.
A entrega efectuarase no lugar indicado polo órgano de contratación nunha ubicación centralizada.
d) Admisión de prórroga: non.
3. Tramitación e procedemento de adxudicación.
a) Tramitación: urxente.
b) Procedemento: aberto.
4. Orzamento de licitación: o orzamento máximo autorizado é de 2.450.750,00 euros, máis 514.657,50 euros que corresponden ao IVE (21 %), o que supón un total de 2.965.407,50 euros (dous millóns novecentos sesenta e cinco mil catrocentos sete euros con cincuenta céntimos), que se divide segundo os lotes:
– Lote 1: ordenador ultraportátil.
Mínimo de unidades: 6.000.
Prezo unitario máximo: 275,00 €.
Orzamento de licitación: 1.650.000,00 € + IVE (346.500,00 €) = 1.996.500,00 €.
– Lote 2: ordenador portátil.
Mínimo de unidades: 100.
Prezo unitario máximo: 600,00 €.
Orzamento de licitación: 60.000,00 € + IVE (12.600,00 €) = 72.600,00 €.
– Lote 3: vídeo proxector.
Mínimo de unidades: 200.
Prezo unitario máximo: 830,00 €.
Orzamento de licitación: 166.000,00 € + IVE (34.860,00 €) = 200.860,00 €.
– Lote 4: encerado dixital interactivo (EDI/PDI).
Mínimo de unidades: 225.
Prezo unitario máximo: 720,00 €.
Orzamento de licitación: 162.000,00 € + IVE (34.020,00 €) = 196.020,00 €.
– Lote 5: armario de carga.
Mínimo de unidades: 150.
Prezo unitario máximo: 1.405,00 €.
Orzamento de licitación: 210.750,00 € + IVE (44.257,50 €) = 255.007,50 €.
– Lote 6: rede wifi.
Mínimo de unidades: 200 puntos de acceso xestionados trimodo e 2 unidades módulos controlador (non é posible ofertar máis de dúas unidades de módulos controlador).
Prezo unitario máximo dos puntos de acceso xestionados trimodo: 800,00 €.
Prezo unitario máximo dos módulos controlador: 21.000,00 €.
Orzamento de licitación: 202.000,00 € + IVE (42.420,00 €) = 244.420,00 €.
5. Garantía provisional: non se exixe.
6. Obtención da documentación e da información.
a) Entidade: Axencia para a Modernización Tecnolóxica de Galicia.
b) Dirección: Monte Gaiás, s/n.
c) Localidade e código postal: Santiago de Compostela, 15781.
d) Teléfono: 981 54 52 86.
e) Fax: 981 54 52 74.
f) Perfil do contratante: http://www.contratosdegalicia.es/resultado.jsp?N=19260
g) Data límite de obtención de documentos e da información: ata o último día de presentación das proposicións.
7. Requisitos específicos do contratista.
a) Solvencia e clasificación: véxase a alínea N) do prego de cláusulas administrativas particulares.
8. Presentación de ofertas.
a) Data límite de presentación: 17.8.2013.
b) Documentación que deberá presentarse: a indicada no prego de cláusulas administrativas particulares.
c) Lugar de presentación:
1) Entidade: Rexistro Único e de Información, situado no Edificio Administrativo San Caetano.
2) Dirección: Edificio Administrativo San Caetano, s/n.
3) Localidade e código postal: Santiago de Compostela, 15781.
Cando a proposición se envíe por correo, deberá cumprirse o establecido no número 11 das disposicións xerais do prego de cláusulas administrativas particulares.
d) Admisión de variantes: non se admiten.
9. Apertura das ofertas.
O lugar, o día e a hora de apertura da documentación relativa aos sobres B e C indicarase no perfil do contratante.
10. Criterios que servirán de base para a adxudicación do contrato e a súa ponderación: os sinalados na alínea K da folla de especificacións do prego de cláusulas administrativas particulares.
11. Gastos dos anuncios: serán por conta do adxudicatario.
12. Data de envío do anuncio previo ao DOUE: 15.5.2013.
13. Data de envío do anuncio de licitación ao DOUE: 17.7.2013.
Santiago de Compostela, 17 de xullo de 2013
Mar Pereira Álvarez
Directora da Axencia para a Modernización Tecnolóxica de Galicia