No Boletín Oficial da provincia de Lugo número 41, do 19 de febreiro de 2008, publícanse as bases que rexen a aceptación e asunción, por delegación expresa, de competencias en materia de xestión, inspección e recadación en relación a tributos, prezos públicos e outros ingresos de dereito público, así como o alcance e contido da delegación efectuada, entre outros polo Concello do Páramo, que tamén foi publicado no Diario Oficial de Galicia número 46, do 5 de marzo de 2008.

No Boletín Oficial da provincia número 286, do 13 de decembro de 2008, publícase a reforma das citadas bases.

O Concello do Páramo amplía a delegación de competencias, a cal foi aprobada polo acordo adoptado pola Xunta de Goberno Local en sesión extraordinaria, que tivo lugar o día 31 de maio de 2012, que é aceptada pola Deputación Provincial (Decreto 924, do 19 de abril de 2013), segundo o teor literal seguinte:

«Acordo:

Primeiro. Delegar as competencias que este concello ten atribuídas en materia de recadación, en período voluntario e período executivo da taxa por subministración domiciliaria de auga.

Segundo. Facultar o alcalde para a sinatura do convenio e todos os documentos que se precisen, así como a execución das actuacións necesarias para levar a efecto este acordo».

O día 16 de maio de 2013, Boletín Oficial da provincia número 112, publicouse o contido do acordo do citado concello.

Lugo, 3 de xuño de 2013