O Pleno desta Corporación, na sesión ordinaria que tivo lugar o 22 de marzo de 2013, adoptou, entre outros, o seguinte acordo:

«30. Aceptación da ampliación de competencias en materia tributaria do Concello de Carral na xestión, inspección e recadación voluntaria e executiva da taxa pola utilización privativa ou aproveitamentos especiais constituídos no solo, subsolo e voo das vías públicas, a favor de empresas explotadoras de servizos de subministración de interese xeral.

Aceptar a ampliación das competencias delegadas en materia tributaria acordada polo Concello de Carral en relación coa seguinte materia:

• Xestión, inspección e recadación voluntaria e executiva da taxa pola utilización privativa ou aproveitamentos especiais constituídos no solo, subsolo ou voo das vías públicas a favor de empresas explotadoras de servizos de subministracións e interese xeral. A xestión que pode ser obxecto de delegación, tanto pode afectar o suposto xeral do artigo 24 do texto refundido da lei reguladora das facendas locais, aprobado polo Real decreto lexislativo 2/2004, do 5 de marzo, baseado no 1,5% dos ingresos brutos obtidos no termo municipal, como ao suposto especial da telefonía móbil.

O exercicio das competencias delegadas obxecto de aceptación levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».

O que se fai público para xeral coñecemento.

A Coruña, 15 de abril de 2013

María Padín Fernández José Luis Almau Supervía
O presidente/PDFR 5.8.2011 Secretario da Diputación
A vicepresidenta Provincial da Coruña