O Pleno desta corporación, na sesión ordinaria que tivo lugar o 26 de abril de 2013, adoptou, entre outros, o seguinte acordo:

«33. Aceptación da ampliación de competencias en materia tributaria do Concello de Cabana de Bergantiños, xestión, inspección e recadación voluntaria e executiva do imposto sobre o incremento do valor dos terreos de natureza urbana.

Aceptar a ampliación das competencias delegadas en materia tributaria acordada polo Concello de Cabana de Bergantiños en relación coa seguinte materia:

• Xestión, inspección e recadación voluntaria e executiva do imposto sobre o incremento do valor dos terreos de natureza urbana.

O exercicio das competencias delegadas obxecto de aceptación, levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia conforme co establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».

O que se fai público para xeral coñecemento.

A Coruña, 18 de xuño de 2013

María Padín Fernández José Luis Almau Supervía
O presidente/PDFR 5.8.2011/ Secretario da Deputación
A vicepresidencia Provincial da Coruña