Para os efectos de dar cumprimento ao solicitado polo Xulgado do Contencioso-Administrativo número 2 de Pontevedra, en relación co procedemento ordinario 167/2013, interposto por Abedal, S.L., contra a resolución desestimatoria do recurso potestativo de reposición, ditada pola Axencia de Protección da Legalidade Urbanística no expediente sancionador e de reposición da legalidade número S-2011/27-P, na cal se impón unha sanción como responsable dunha infracción grave polas obras executadas dentro da zona de servidume de protección do dominio público marítimo-terrestre, sen a preceptiva autorización, no lugar da Granxa de Abaixo, Dorrón, concello de Sanxenxo, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Pontevedra.
Polo exposto, mediante a presente resolución emprázase a Construcciones Tofer, S.L., para que poida comparecer como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de xuño de 2013
María Martínez Allegue
Directora da Axencia de Protección da Legalidade Urbanística