Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Unión Fenosa Distribución, S.A.
Domicilio social: travesía de Vigo, 204, 36207 Vigo.
Denominación: LMT, CT peche Tomiño 2ª fase.
Situación: Tomiño.
Características técnicas: LMT subterránea a 20 kV con condutor tipo RHZ de 1.136 metros de lonxitude, con orixe na cela de liña existente no CT 36CTK2 (Colón 6) saída TUI803 e final no CT proxectado. Centro de transformación de 250 kVA, RT 20 kV/400-230 V, situado na Rocha, Tomiño.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda 43, 5º, no prazo de vinte días. Así mesmo, durante o mencionado prazo, tamén se poderá examinar o proxecto da instalación.
Pontevedra, 10 de xuño de 2013
Ignacio Rial Santomé
Xefe territorial de Pontevedra