Con data do 31 de marzo de 2009 tivo lugar o levantamento da acta previa á ocupación do predio 1088, cunha superficie e bens afectados de 757 m2 de solo rústico de protección forestal e monte, e 757 m2 arboredo (plantación eucaliptal), a nome de Josefa Pan Illanes.
Manuel Pan Illanes reclama a titularidade do predio. En outubro de 2010 solicítase documentación a Manuel Pan Illanes e este achega copia da acta de operacións particionais do caudal de Josefa Illanes Cajigal, ben que da documentación achegada non queda suficientemente acreditada a identidade do predio que figura en escrituras coa afectada polo procedemento expropiatorio.
Así mesmo, reclama o predio José Couto Meirama e achega certificación catastral do predio correspondente ao polígono 8, parcela 746.
En decembro de 2012 dáse trámite de audiencia a Manuel Pan Illanes, para os efectos de recoñecer a titularidade a José Couto Meirama, sen que reciba o dito trámite de audiencia.
Con base no artigo 86 da Lei 30/1992, de réxime xurídico das administracións públicas e do procedemento administrativo común, acórdase dar publicidade á solicitude de cambio de titularidade e abrir información pública durante un prazo de 20 días contado desde o seguinte ao da publicación do presente para que os interesados poidan formular alegacións. Enténdese que de non presentalas no prazo indicado non existe oposición a ela, polo que se procederá a efectuar o cambio solicitado a herdeiros de José Couto Meirama.
A Coruña, 27 de maio de 2013
Antonio López Blanco
Xefe do Servizo de Infraestruturas da Coruña