Por medio desta cédula notifícaselles aos expropiados, cos datos e último enderezo coñecido que se sinalan no anexo, o trámite de intento de mutuo acordo para os efectos de continuar coa tramitación do procedemento de expropiación forzosa, na súa fase de valoración e, de ser o caso, posterior envío deste ao Xurado de Expropiación de Galicia.

O expropiado dispón dun prazo de 15 días, contado desde o seguinte ao da publicación desta cédula, para asinar o prego de aceptación nas dependencias do Servizo Provincial de Lugo da Axencia Galega de Infraestruturas, sito no 2º piso do Edificio Administrativo da Xunta de Galicia en Lugo, na rolda da Muralla, nº 70. No caso de desconformidade coa cantidade ofrecida, e ao abeiro do previsto no artigo 29 da Lei de expropiación forzosa, o expropiado dispón dun prazo de 20 días, contados desde a finalización do prazo de 15 días antes citado, para formular a súa folla de valoración fundada.

Lugo, 13 de maio de 2013

Gerardo Pallares Sánchez
Xefe do Servizo Provincial de Lugo

ANEXO