A empresa Vendeduría Portas, S.L. solicitou a este ente público unha concesión administrativa no dominio público portuario do porto de Ribeira con destino á construción e explotación dunha nave con destino a almacén de caixas.
O que, en cumprimento do artigo 85.1 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, aplicable na falta de lexislación autonómica propia, se fai público para que nun prazo dun (1) mes, contado a partir do día seguinte ao da publicación do presente anuncio no Diario Oficial de Galicia, poidan presentarse outras solicitudes que teñan o mesmo ou distinto obxecto que aquela, e que deben reunir os requisitos previstos no artigo 84 do citado Real decreto lexislativo 2/2011.
As solicitudes deberán presentarse mediante instancia dirixida ao presidente do ente público Portos de Galicia, sito no Edificio de Área Central, praza de Europa, 5-A, 6º, Santiago de Compostela. O plano de localización da concesión solicitada atópase á disposición do público para o seu exame en horas de oficina, nas citadas oficinas deste ente público e na páxina web www.portosdegalicia.es, na epígrafe de «documentos» e dentro de «pregos e documentos».
Santiago de Compostela, 16 de abril de 2013
José Juan Durán Hermida
Presidente de Portos de Galicia