Neste concello tramítase o seguinte expediente sobre concesión de licenza municipal:
Solicitante: Cima Verín, S.L.
Actividade: almacén de materiais de construción, administración, contabilidade e realización de corte, dobradura e preparación de ferralla para obras.
Localización: ES/Ourense (N-525), p.q. 170,4 (Pazos).
En cumprimento do disposto no artigo 8.3. do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo prazo de vinte (20) días hábiles, contados a partir do día seguinte ao da publicación deste edicto no Diario Oficial de Galicia, co fin de que as persoas que se consideren afectadas poidan examinar o expediente, no Servizo de Urbanismo do concello, e formular por escrito as reclamacións ou observacións que xulguen oportunas.
O expediente está ao público no Servizo de Urbanismo deste concello das 9.00 ás 14.00 horas.
Verín, 27 de maio de 2013
Juan Manuel Jiménez Morán
Alcalde