De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao titular do establecemento que se especifica no anexo que se achega a proposta de resolución recaída no expediente sancionador por infracción da Lei orgánica 1/1992, do 21 de febreiro, de protección da seguridade cidadá (LOSC), por non ser posible a súa notificación por correo certificado.

A competencia para impoñer esta clase de sancións correspóndelles aos xefes territoriais da Consellería de Presidencia, Administracións Públicas e Xustiza, segundo o Real decreto 1640/1996, do 5 de xullo, desenvolvido polo Decreto 360/1996, do 26 de setembro, de atribución aos órganos da Comunidade Autónoma de Galicia do exercicio da potestade sancionadora en materia de espectáculos públicos, e a disposición transitoria primeira do Decreto 245/2009, do 30 de abril, polo que se regulan as delegacións territoriais da Xunta de Galicia (DOG do 1 de maio), en relación co artigo 29.1º d) da LOSC.

Infórmase de que, de conformidade co establecido no artigo 135 da Lei 30/1992, do 26 de novembro, e nos artigos 18 e 19 do Regulamento do procedemento para o exercicio da potestade sancionadora (Real decreto 1398/1993, do 4 de agosto), conta cun prazo de quince días hábiles, desde a publicación, para exercer ante o instrutor o dereito de audiencia e formular alegacións, así como examinar o expediente nestas dependencias.

A tramitación do expediente realízase na oficina desta xefatura territorial da Consellería de Presidencia, Administracións Públicas e Xustiza sita na rúa Fernández Ladreda, 43, 9º, de Pontevedra.

No suposto de non efectuar alegacións, ditarase resolución cos efectos previstos no artigo 20 do Real decreto 1398/1993.

Pontevedra, 22 de maio de 2013

Ramón Pereiro Santín
Xefe territorial de Pontevedra

ANEXO

Nº de expediente: PO-65/13.

Denunciada: Carmen Porto Carrera.

NIF: 46062263W.

Establecemento: Inferno, sito na rúa Real, 40, 36860 Ponteareas.

Precepto infrinxido: artigo 26 e) da Lei orgánica 1/1992, do 21 de febreiro, na nova redacción dada pola Lei orgánica 4/1997, do 4 de agosto.

Sanción proposta: 120 euros.