A directora da Axencia de Protección da Legalidade Urbanística, o día 7 de maio de 2013, ditou a resolución pola que se amplía, por un período de 3 meses, o prazo para a resolución do procedemento, expediente IU3/78/2012, en relación coas obras consistentes na construción dun alpendre e unha piscina no lugar da Portela, en San Salvador de Muxa, no termo municipal de Lugo.
Ao non poderse realizar a notificación persoal daquela resolución a María del Carmen Noche Cendán e a Luis Manuel Andión Rivas, mediante esta cédula, e ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícaselles aos interesados a devandita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber aos interesados que o texto íntegro da resolución que se notifica encóntrase ao seu dispor nas dependencias da Axencia de Protección da Legalidade Urbanística sitas no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Comunícolle que os acordos sobre ampliación de prazos non son susceptibles de recurso, de conformidade co disposto polo artigo 49.3 da LRXPAC.
Para que conste e lles sirva de notificación os citados interesados en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 24 de maio de 2013
María Martínez Allegue
Directora da Axencia de Protección da Legalidade Urbanística