De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento aos herdeiros de Elvira González Vázquez para o trámite de audiencia ditado no expediente de reposición da legalidade urbanística IU3/100/2012, en relación coas obras consistentes na rehabilitación integral dunha edificación tradicional e vertedura de residuos, que se levan a cabo no lugar das Veigas, na parroquia do Cadramón, no termo municipal do Valadouro, provincia de Lugo.

O expediente relacionado atópase á disposición dos interesados na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

Os interesados disporán dun prazo de 10 días hábiles, contados a partir do día seguinte a aquel en que se producise a notificación desta cédula, para alegar e presentar os documentos e informacións que consideren pertinentes.

Para que conste e lles sirva de notificación os citados interesados, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 24 de maio de 2013

María Martínez Allegue
Directora da Axencia de Protección da Legalidade Urbanística