Eduvigis González Pernas, en representación de Adega Dona Elisa, S.L., solicitou nesta alcaldía licenza municipal para adega de colleiteiro, na estrada Ribadavia-O Carballiño 110, en Santo André. En cumprimento do disposto polo punto 3 do artigo 8 do Decreto 133/2008, polo que se regula a avaliación de incidencia ambiental, sométese a información pública polo período de vinte días hábiles co fin de que durante este –que comezará a contarse desde o día seguinte ao da inserción deste edicto no DOG– poidan examinar o expediente, na Secretaría do concello, as persoas que dalgún modo se consideren afectadas pola actividade que se pretende instalar e formular por escrito as observacións que xulguen oportunas.

Ribadavia, 19 de abril de 2013

Marcos Blanco Jorge
Alcalde