Para os efectos previstos na Lei 54/1997, do 27 de novembro, e no Real decreto 1955/2000, do 1 de decembro, sométese a información pública a petición de autorización da instalación eléctrica que se cita:

Solicitante: Eon Distribución, S.L.

Domicilio social: r/ Medio, 12, 39003 Santander.

Denominación: centro de repartición para servizos auxiliares de Ludrio.

Situación: concello de Castro de Rei.

Características técnicas:

Centro de repartición en edificio prefabricado tipo PFU-5, dividido en dúas zonas, unha zona de abonado propiedade de Eon Distribución, S.L., na cal se instalan dúas celas de interruptor, unha de medida e unha de liña. E unha zona de compañía propiedade de BEGASA (non é obxecto deste proxecto).

Todas aquelas persoas ou entidades que se consideren afectadas poderán presentar as súas alegacións, nesta xefatura territorial, no prazo de vinte días.

Lugo, 20 de maio de 2013

José Manuel Vázquez Leirado
Xefe territorial de Lugo