Por acordo do Pleno, do 25 de marzo de 2013, aprobouse definitivamente o estudo de detalle referido a reaxustes de aliñacións e volumes no ámbito coincidente coa única unidade de planeamento incorporado (UPI) do PXOM, sita entre as rúas Sagasta, Rosalía de Castro, Castelao e rúas de nova apertura. O que se fai público para xeral coñecemento, de conformidade co disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, ao tempo que se fai constar que a documentación prevista no punto 3) do dito artigo foi remitida, con data do 9 de maio de 2013, á Consellería de Medio Ambiente, Territorio e Infraestruturas.
Contra este acordo, que é definitivo en vía administrativa, poderase interpor no prazo de dous meses recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.
Pontecesures, 9 de maio de 2013
Manuel Luís Álvarez Angueira
Alcalde