O Pleno municipal, en sesión que tivo lugar o día 8 de abril de 2013, adoptou, entre outros, o seguinte acordo:
«Primeiro. Aprobar os informes de alegacións emitidos o 11 e 18 de marzo de 2013 pola arquitecta e o xefe do Departamento de Planeamento, respectivamente.
Segundo. Aprobar definitivamente o documento de estudo de detalle para reaxuste de rasantes das vías no ámbito do sector S-10 Parque Ofimático, presentado con data do 19 de marzo de 2013 para a súa tramitación.
Terceiro. Ordenar a dilixencia do estudo de detalle aprobado, así como continuar co cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección do medio rural de Galicia para procurar a entrada en vigor do estudo de detalle.
Cuarto. Notificarlles o acordo de aprobación definitiva aos titulares catastrais, interesados no expediente, aos departamentos municipais de Licenzas e Disciplina Urbanística, Xestión de Solo, Sección de Patrimonio Urbanístico, Oficina de Delineación-SIX de Planeamento e Área de Infraestruturas».
Este acordo pon fin á vía administrativa, e pódese interpoñer contra el recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses contado a partir do día seguinte a aquel en que se practique a súa notificación ou a súa publicación no Diario Oficial de Galicia ou no Boletín Oficial da provincia, ou a súa notificación no caso do promotor, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.
A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas para os efectos da entrada en vigor do estudo de detalle para reaxuste de rasantes das vías no ámbito do sector S-10 Parque Ofimático, o día 12 de abril de 2013.
A Coruña, 15 de abril de 2013
César de Jesús Otero Grille
Director de Urbanismo
