O Pleno do Concello de Cerdido do día 29 de abril de 2013 aprobou o acordo de modificación puntual do Plan xeral de ordenación municipal para a ampliación do cemiterio da Barqueira, polo que se somete a información pública polo prazo dun mes mediante un anuncio no taboleiro de edictos do concello, no Diario Oficial de Galicia e en dous dos xornais de maior difusión na provincia. Ao mesmo tempo, e durante o mesmo prazo, daráselles audiencia aos municipios limítrofes.

Así mesmo, acordou a suspensión do procedemento de outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente: ámbito da proposta para redelimitación do equipamento CEL-1, cunha superficie de 2,136 m2, que aparece reflectida nos planos 2C.1, C-6.1 e C-Z.1 da modificación puntual e que se localiza no sector do solo urbanizable S-03, lugar do Porto, parroquia da Barqueira.

Cerdido, 30 de abril de 2013

Ana Rodríguez Montero
Alcaldesa