DOG 103 do 31/05/2013 - RESOLUCIÓN do 24 de maio de 2013 pola que se ordena a publicación do Acordo do Consello da Xunta de Galicia do 23 de maio de 2013, polo que se declaran festas de Galicia de interese turístico a Feira do Requeixo e do Mel nas Neves; a Mostra do Aceite de Quiroga, en Quiroga, e a Festa do Peixe en Bande.

III. Outras disposicións

Axencia Turismo de Galicia

RESOLUCIÓN do 24 de maio de 2013 pola que se ordena a publicación do Acordo do Consello da Xunta de Galicia do 23 de maio de 2013, polo que se declaran festas de Galicia de interese turístico a Feira do Requeixo e do Mel nas Neves; a Mostra do Aceite de Quiroga, en Quiroga, e a Festa do Peixe en Bande.

En cumprimento do disposto no artigo 28 do Decreto 39/2001, do 1 de febreiro, de refundición en materia do Consello Galego de Turismo, declaración de municipio turístico galego e declaración de festas de Galicia de interese turístico, esta dirección dispón que se publique no Diario Oficial de Galicia o Acordo adoptado polo Consello da Xunta na súa reunión do 23 de maio de 2013 e que a seguir se transcribe:

«Declarar festas de Galicia de interese turístico, de conformidade co establecido no Decreto 39/2001, do 1 de febreiro, de refundición en materia do Consello Galego de Turismo, declaración de municipio turístico galego e declaración de festas de Galicia de interese turístico, as seguintes:

• Feira do Requeixo e do Mel, que se celebra coincidindo coa Semana Santa no concello das Neves (Pontevedra).

• Mostra do Aceite de Quiroga, que se celebra o último domingo de febreiro ou o primeiro de marzo no concello de Quiroga (Lugo).

• Festa do Peixe, que se celebra a primeira fin de semana de xuño no concello de Bande (Ourense)».

Santiago de Compostela, 24 de maio de 2013

Mª Nava Castro Domínguez
Directora da Axencia Turismo de Galicia