Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Consellería de Cultura, Educación e Ordenación Universitaria.
Domicilio social: San Caetano, 15704 Santiago de Compostela.
Denominación: CS e CT de 400 kVA para IES.
Situación: O Milladoiro, Ames.
Características técnicas: CS para alimentar en anel o CT en caseta prefabricada de formigón con transformador de 400 kVA 20/0,42 kV en aceite. Aparellos en cabinas metálicas prefabricadas.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 11 de abril de 2013
Susana Vázquez Romero
Xefa territorial da Coruña