Solicitada a licenza de legalización da actividade de industria madeireira na Bugalleira de Arriba, por Antonio e Francisco Vázquez Vázquez, sometida a avaliación de incidencia ambiental, tramítase neste concello o expediente oportuno.

De acordo coa lexislación vixente sobre actividades molestas, insalubres, nocivas e perigosas, procédese a abrir o período de información pública durante un prazo de vinte días mediante anuncio no Diario Oficial de Galicia e no Boletín Oficial da provincia, contado desde a última publicación, e no taboleiro de anuncios do concello, para que as persoas que estean afectadas dalgún xeito pola devandita actividade presenten as observacións que consideren pertinentes.

O expediente obxecto desta información pódese consultar nas oficinas municipais en horario de oficina.

O Irixo, 9 de maio de 2013

Manuel Penedo Paradela
Alcalde