Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: adecuación CT Caión (expediente 6.148).

Situación: concello da Laracha.

Características técnicas:

Reforma do centro de transformación non prefabricado existente Caión, consistente no cambio do transformador existente por un CT compacto 2L+1P de manobra exterior cunha potencia de 250 kVA e unha relación de transformación de 15/0,4-0,23 kV que se vai instalar no interior da caseta de obra civil existente, a cal se repara.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 2º andar, 15071 A Coruña, no prazo de vinte días, a partir da última publicación.

A Coruña, 26 de abril de 2013

Susana Vázquez Romero
Xefa territorial da Coruña