No Xulgado do Contencioso-Administrativo número 2 de Pontevedra tramítase o recurso 123/2013 (procedemento abreviado), interposto por María del Carmen García Torres fronte á Resolución do 29 de xaneiro de 2013, da directora de Recursos Humanos do Servizo Galego de Saúde pola que se desestima o recurso de reposición interposto fronte á Resolución do 12 de novembro de 2012, da Dirección de Recursos Humanos do Servizo Galego de Saúde, que modifica a Resolución do 8 de outubro de 2012 pola que se procede a dar publicidade ás listas definitivas de persoas aspirantes admitidas, co número de orde e puntuación, con respecto ao proceso de inscrición de aspirantes para vinculacións temporais nas diversas categorías estatutarias de xestión e servizos no ámbito das institucións sanitarias do Servizo Galego de Saúde e entidades adscritas á Consellería de Sanidade (DOG nº 218, do 15 de novembro de 2012). (Categoría: persoal de servizos xerais).
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 24 de abril de 2013
Margarita Prado Vaamonde
Directora xeral de Recursos Humanos