De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e demais lexislación concordante en virtude das competencias otorgadas polo Decreto 43/2013, do 21 de febreiro (DOG nº 47, do 7 de marzo), polo que se establece a estrutura orgánica do Servizo Galego de Saúde e a Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servizo Galego de Saúde, logo da autorización da Dirección Xeral de Recursos Humanos,

RESOLVE:

Anunciar a convocatoria para cubrir, polo procedemento de concurso de méritos, unha praza de xefe de grupo da área de persoal e nóminas do Hospital da Costa, así como aprobar as bases que rexerán nesta convocatoria.

As bases da citada resolución estarán expostas no taboleiro de anuncios do Hospital da Costa, así como na páxina web do Servizo Galego de Saúde (www.sergas.es).

O prazo de presentación de solicitudes será de 15 días contados a partir do seguinte ao da publicación deste anuncio no Diario Oficial de Galicia. As solicitudes deberán dirixirse ao director xerente do Hospital da Costa, e poderán ser presentadas no rexistro do centro ou a través de calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Burela, 16 de abril de 2013

Francisco Antonio Soriano Paredes
Director xerente do Hospital da Costa

Anexo

Praza de persoal estatutario de xestión e servizos.

Categoría: N-C2-01 xefe de grupo.

Complemento destino nivel 20.

Posto de traballo: Servizo de Persoal e Nóminas.