Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Daxiong Spain, S.L.
Domicilio social: pol. ind. Penapurreira, parc. C 2A, 15320 As Pontes de García Rodríguez.
Denominación: CS, liña e CT para fábrica de cables de aceiro.
Situación: pol. ind. Penapurreira, parc. C2-A, As Pontes García Rodríguez.
Características técnicas: centro de seccionamento e medida prefabricado, formado por celas de entrada e saída para bucle de compañía e cela de liña, 400 A, 24 kV, 20 kA. Cela de seccionamento de abonado, cela de protección xeral, cela de medida e cela de saída e protección do centro de transformación, 400 A, 24 kV, 20 kA. Liña soterrada con inicio en cela de saída do CS e medida e remate no CT, RHZ1-2OL 12/20 kV 3×(1×240 mm2) AL, lonxitude 160 m. CT prefabricado composto por cela de entrada de liña e dúas celas de protección (400 A, 24 kV, 20 kA) para 2 trafos iguais aillamento resina, refrixeración natural, 20/0,4 kV, 2.500 kVA cada un.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte ao da publicación, artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 13 de maio de 2013
Susana Vázquez Romero
Xefa territorial da Coruña