A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, polo que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como, para a obtención do carné de manipuladores destes produtos, establece, no seu artigo 8.6, que os ministerios de Agricultura, Pesca e Alimentación e de Sanidade e Consumo comunicarán aos organismos responsables na Comunidade Autónoma a homologación dos ditos cursos e, no seu artigo 9, a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.
En consecuencia, anúnciase a realización dun curso de aplicador/manipulador de biocidas, nivel cualificado, homologado polas direccións xerais de Saúde Pública do Ministerio de Sanidade e Consumo, e de Agricultura do Ministerio de Agricultura, Pesca e Alimentación, solicitado pola entidade Academia A Mariña, de acordo coas seguintes bases:
1. Denominación do curso: curso para a capacitación de aplicadores/manipuladores de produtos biocidas. Nivel cualificado.
2. Entidade organizadora: Academia A Mariña.
3. Data: do 3 ao 25 de xuño de 2013, a excepción dos sábados e domingos, e o 13 e 24 de xuño de 2013.
4. Lugar de realización: Centro de Estudios Pondal, rúa Roberto Baamonde, nº 27, 1º, Monforte de Lemos (Lugo).
5. Número de prazas: máximo 30 alumnos.
6. Dirixido a: todo o persoal auxiliar das empresas que apliquen e/ou manipulen produtos biocidas, non clasificados como moi tóxicos.
7. Criterios de selección: por rigorosa orde de recepción da solicitude de inscrición.
8. Presentación de solicitudes: solicitude segundo o modelo anexo.
9. Programa:
Día 3.6.2013 |
|
16.00-20.00 h |
Presentación do curso: obxectivos e programa formativo. Praguicidas. Clasificación. Xeralidades e modo de acción. |
Día 4.6.2013 |
|
16.00-20.00 h |
Toxicidade. Lexislación. Praguicidas. Transporte, almacenamento, distribución e venda. Lexislación. |
Día 5.6.2013 |
|
16.00-20.00 h |
Formulacións. Preparación. |
Día 6.6.2013 |
|
16.00-20.00 h |
Equipamentos de aplicación. Pragas de roedores. Estudo dos roedores. |
Día 7.6.2013 |
|
16.00-20.00 h |
Raticidas para ratas e ratos. Desratización activa e pasiva. |
Día 10.6.2013 |
|
16.00-20.00 h |
Pragas de insectos e ácaros. O seu estudo. |
Día 11.6.2013 |
|
16.00-20.00 h |
Insecticidas e acaricidas. Métodos de loita antivectorial en ambientes urbanos. |
Día 12.6.2013 |
|
16.00-20.00 h |
Desinfección. Produtos usados. Técnicas. |
Día 14.6.2013 |
|
16.00-20.00 h |
Praguicidas e ambiente. Precaucións. |
Día 17.6.2013 |
|
16.00-20.00 h |
Eliminación de restos de envases. Lexislación. |
Día 18.6.2013 |
|
16.00-20.00 h |
Precaucións e normas de seguridade. Equipamentos de protección persoal. Saúde laboral. |
Día 19.6.2013 |
|
16.00-20.00 h |
Precaucións e normas de seguridade II. Equipamentos de protección persoal II. Saúde laboral II. |
Día 20.6.2013 |
|
16.00-20.00 h |
Prevención, diagnóstico e primeiros auxilios no caso de intoxicación por praguicidas. Antídotos. |
Día 21.6.2013 |
|
16.00-20.00 h |
Repaso xeral, exercicios prácticos e posta en común/debate sobre un tema do programa formativo. |
Día 25.6.2013 |
|
16.00-20.00 h |
Interpretación de pictogramas e etiquetas. Resolución, dúbidas e exame. |
10. Certificado de superación do curso.
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polo alumnos e, en caso de superalas, expedirá o certificado correspondente co que poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel cualificado.
Santiago de Compostela, 7 de maio de 2013
Sonia Martínez Arca
Directora xeral de Innovación e Xestión da Saúde Pública
ANEXO
Ficha de solicitude de inscrición
Curso para a capacitación de aplicadores/manipuladores de produtos biocidas. Nivel cualificado
Entidade organizadora: Academia A Mariña.
Datas: do 3 ao 25 de xuño de 2013, a excepción dos sábados e domingos, e o 13 e 24 de xuño de 2013.
Lugar de realización do curso: Centro de Estudios Pondal, rúa Roberto Baamonde, nº 27, 1º, Monforte de Lemos (Lugo).
Duración: 60 horas teórico/prácticas.
Horario: das 16.00 ás 20.00 horas.
Nº de prazas: máximo 30 alumnos.
Presentación de solicitudes: enviarase a ficha de inscrición a Academia A Mariña, avda. Arcadio Pardiñas, 44, entresollado, 27880 Burela (Lugo) á atención de Ramón Hermida Pumares.
Tel.: 982 58 50 98. Fax: 982 57 51 01. Correo electrónico: formacion@amarina.org, acompañada de fotocopia do DNI, copia da folla de inscrición e xustificante de ingreso de 400 €/alumno na conta Academia A Mariña de NovaGalicia Banco co número 2080 0109 17 3040018023.
Criterio de selección: por rigorosa orde de recepción da solicitude xunto co xustificante de pagamento.
NOME E APELIDOS
DATA DE NACEMENTO
NIF/DNI
ENDEREZO
CP LOCALIDADE
TEL. CORREO ELECTRÓNICO