Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Unión Fenosa Distribución, S.A.
Domicilio social: travesía de Vigo, nº 204, 36207 Vigo.
Denominación: LMT, CT Chacente.
Situación: Campo Lameiro.
Características técnicas: LMT aérea a 20 kV con condutor tipo LA-56 de 172 metros de lonxitude, con orixe no apoio existente nº 0 da saída SJG806 e final no CT proxectado. Centro de transformación aéreo de 100 kVA, RT 20 kV/400-230 V, situado en Chacente, O Campo, Campo Lameiro.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 19 de abril de 2013
Ignacio Rial Santomé
Xefe territorial de Pontevedra