Mediante Resolución desta alcaldía do 4 de marzo de 2013 aprobouse inicialmente o estudo de detalle para a ordenación de volumes no número 3 da rúa Valentín Viqueira, O Carril, redactado polos arquitectos Juan Caridad Graña e Isidro López Yáñez e promovido por Ricardo Vélez Silva.

De conformidade co establecido no artigo 86.2 da Lei 9/2002, de ordenación urbanística e protección do medio rural de Galicia, modificada pola Lei 15/2004, do 29 de decembro, o dito estudo de detalle estará exposto ao público na Xerencia de Urbanismo, durante o prazo de vinte días a partir do seguinte ao da publicación deste anuncio no Diario Oficial de Galicia, podendo presentar reclamacións ou alegacións no mesmo prazo.

Vilagarcía de Arousa, 11 de marzo de 2013

Tomás Javier Fole Díaz
Alcalde