O Pleno da Corporación, na sesión que tivo lugar o día 25 de abril de 2013, adoptou o seguinte acordo:

a) Aprobar inicialmente a modificación puntual do Plan xeral de ordenación municipal no ámbito do polígono 40 (Rocha Vella-rúa do Churruchao) segundo o proxecto presentado por ROX 98, S.L. o día 15 de marzo de 2013, ao cal se lle introducen as seguintes modificacións:

– Substituíronse as páxinas 13 e 16 e engadiuse diversa documentación complementaria, segundo o indicado no informe xurídico emitido con data do 17 de abril.

– Rectifícase o erro detectado no plano de ordenación resultante -incluído no anexo 4- en canto ao acoutamento do fondo das vivendas proxectadas na beira oeste da vía de nova apertura, cuxo fondo é de 13,50 metros, de acordo co informe xurídico asinado o día 25 de abril de 2013.

b) Someter o acordo a información pública durante o prazo de dous meses, mediante anuncio no taboleiro de edictos do Concello, no Diario Oficial de Galicia e en dous xornais dos de maior difusión na provincia. Durante o citado período, o expediente estará á disposición de calquera persoa que desexe examinalo co obxecto da presentación das alegacións que se estimen pertinentes.

c) Dar audiencia aos concellos limítrofes, simultaneamente e durante o mesmo prazo da información pública, e requirir ás administracións públicas competentes os seguintes informes sectoriais previstos pola lexislación sectorial do Estado e da Comunidade Autónoma de Galicia:

– Dirección Xeral do Patrimonio Cultural, sobre posibles afeccións ao elemento catalogado D-005.

O presente acordo determina automaticamente, por aplicación do disposto no artigo 77.2 da LOUG, a suspensión do outorgamento das licenzas que poidan resultar incompatibles coa nova ordenación proposta, durante o prazo máximo de dous anos, contado desde a aprobación inicial.

O citado expediente sométese ao trámite de información pública, durante o prazo de dous meses, contados a partir do día seguinte ao da publicación deste anuncio no Diario Oficial de Galicia, co fin de que os interesados poidan consultar o expediente no Servizo de Planeamento e Xestión e, de ser o caso, formulen as alegacións que xulguen oportunas.

Santiago de Compostela, 6 de abril de 2013

María Pardo Valdés
Concelleira da Área de Desenvolvemento Urbano e Sustentable