José Manuel Otero Ferreiro interpuxo recurso contencioso-administrativo contra a Resolución do 20 de xuño de 2012 do titular da Dirección Xeral de Centros e Recursos Humanos. Nesa resolución desestimábase o recurso administrativo interposto por José Manuel Otero Ferreiro contra a valoración dos méritos no procedemento de concurso de traslados convocado pola Orde do 2 de novembro de 2011.

O recurso contencioso-administrativo tramítase como procedemento abreviado número 287/2012 no Xulgado do Contencioso-Administrativo número 1 de Lugo.

De conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, e de acordo co requirido polo xulgado, a través do presente anuncio notifícase a interposición do antedito recurso contencioso-administrativo, para xeral coñecemento de todas as persoas interesadas, que se emprazan para que poidan comparecer no citado xulgado, no prazo de 9 (nove) días, contados desde o día seguinte ao da publicación deste anuncio no Diario Oficial de Galicia.

Santiago de Compostela, 26 de abril de 2013

José Manuel Pinal Rodríguez
Director xeral de Centros e Recursos Humanos