En cumprimento do disposto no artigo 154 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro, dáse conta de que o Comité Executivo do Consorcio Casco Vello de Vigo, o día 28 de febreiro de 2013, adxudicou o contrato do que se reflicten os seguintes datos:
1. Entidade adxudicadora.
Organismo: Consorcio Casco Vello de Vigo.
2. Obxecto do contrato.
Descrición: o contrato a que se refire este anuncio ten por obxecto a execución das obras recollidas no proxecto aprobado pola Administración para a rehabilitación dos inmobles situados na rúa San Sebastián, 4, 6, Subida ao Castelo 5,7 así como, de ser o caso, as derivadas dos proxectos modificados del nos casos previstos e na forma establecida nos artigos 219 e 234 do texto refundido da Lei de contratos do sector público.
3. Orzamento base de licitación.
Prezo (sen IVE); 1.262.991,33 €; IVE 10 %: 126.299,13 €; Total: 1.389.290,46 €.
4. Garantías.
Definitiva: 5 % do orzamento de adxudicación sen IVE.
5. tramitación e procedemento.
A tramitación é ordinaria e o procedemento é aberto.
6. Requisitos especificos do contratista.
Clasificación do contratista: grupo K; subgrupo 7; categoría e. Solvencia económica e financeira e solvencia tecnica: cláusulas 6, 9.2.1.1.d) e e), así como a 9.2.1.2.a), do prego de cláusulas administrativas particulares que rexen o procedemento e que están publicadas na páxina web que se especificou no punto 6, titulado Obtención de documentación e información.
7. Adxudicatario e data de formalización do contrato.
UTE Xestión Ambiental de Contratas, S.L., Geotecnia y Cimientos, S.A., abreviadamente UTE Rehabilitación Casco Vello de Vigo. O contrato formalizouse o día 26 de marzo de 2013.
8. Importe da adxudicación.
A obra adxudicouse nun millón cento vinte e dous mil setecentos noventa e nove euros con vinte céntimos de euro (1.122.799,20 €). A esta cantidade correspóndelle un IVE do 10 % o que supón un importe de cento doce mil douscentos setenta e nove euros con noventa e tres céntimos de euro (112.279,93 €).
9. Prazo de execución.
Quince meses (15 meses).
Vigo, 4 de abril de 2013
Alfonso Ramos Covelo
Xerente do Consorcio Casco Vello de Vigo
