Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de execución de títulos xudiciais 4/2012 deste xulgado do social, seguido por instancia da Mutua Gallega de Accidentes de Trabajo e Julio Cardama Antúnez contra a empresa Auto Arte Galicia, S.L., sobre seguridade social, ditouse a seguinte resolución:
Parte dispositiva.
Acordo:
a) Declarar o executado Auto Arte Galicia, S.L. en situación de insolvencia total por importe de 9.277,83 euros de principal (777,62 euros á Mutua Gallega de Accidentes de Trabajo e 8.500,21 euros a Julio Cardama Antúnez), máis 927,79 euros, que provisionalmente se presupostan para xuros, gastos e custas, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reabrir a execución se a partir deste momento se coñecen novos bens do executado.
c) Procédase á súa publicación no BORME.
d) Levar testemuño do presente á execución e o orixinal ao libro de decretos.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, e que ten á súa disposición na oficina deste órgano xudicial as dilixencias de ordenación do 6 de setembro de 2012, 1 de outubro de 2012 e 20 de novembro de 2012.
E para que sirva de notificación en legal forma a Auto Arte Galicia, S.L., por estar en ignorado paradoiro, expídese o presente para a súa inserción no Diario Oficial de Galicia e no taboleiro de anuncios deste xulgado.
Santiago de Compostela, 12 de abril de 2103
A secretaria xudicial