Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade de Viveiro, 4, 1º, 27002 Lugo.
Denominación: LMTS para subministración eléctrica en r/ Beiramar, s/n (esquina Castelao e Concepción Arenal).
Situación: concello de Burela.
Características técnicas:
– LMTS a 20 kV, con orixe no CTC 01451 Edificio Beiramar e final no CTC r/ Beiramar, s/n, (expediente 8082-AT), cunha lonxitude de 173 metros en condutor tipo RHZ-240.
– LMTS a 20 kV, con orixe no CTC r/ Beiramar, s/n (expediente 8082-AT) e final nun empalme coa LMT existente, condutor tipo RHZ-150.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 15 de abril de 2013
José Manuel Vázquez Leirado
Xefe territorial de Lugo