Mediante a Resolución do 11 de novembro de 2011, pola que se aproba a admisión a trámite de solicitudes de dereitos mineiros, admitiuse a trámite a solicitude presentada pola sociedade Rio Narcea Gold Mines, S.L. (actualmente Mineira de Corcoesto, S.L.) do permiso de investigación Julia 2, de 45 cuadrículas mineiras, para a investigación de ouro, afíns e outros recursos da sección C), nos termos municipais de Carballo, Cabana de Bergantiños, Coristanco e Ponteceso, na provincia da Coruña.
Con data do 2 de maio de 2012, Rio Narcea Gold Mines, S.L. solicita a renuncia a 24 cuadrículas mineiras das 45 que compoñían a solicitude inicial, quedando o permiso de investigación Julia 2 reducido a 21 cuadrículas mineiras, nos termos municipais de Cabana de Bergantiños, Coristanco e Ponteceso e, ao mesmo tempo, comunica o cambio de denominación social de Rio Narcea Gold Mines, S.L. a Mineira de Corcoesto, S.L.
A esta solicitude correspóndelle o número 7155 do rexistro mineiro da provincia da Coruña.
A designación do terreo é a seguinte:
|
Vértice |
Lonxitude (W) |
Latitude (N) |
|
1 |
8º 48’ 40” |
43º 13’ 40” |
|
2 |
8º 48’ 00” |
43º 13’ 40” |
|
3 |
8º 48’ 00” |
43º 12’ 20” |
|
4 |
8º 48’ 20” |
43º 12’ 20” |
|
5 |
8º 48’ 20’’ |
43º 11’ 20’’ |
|
6 |
8º 49’ 20’’ |
43º 11’ 20’’ |
|
7 |
8º 49’ 20’’ |
43º 12’ 20’’ |
|
8 |
8º 50’ 00’’ |
43º 12’ 20’’ |
|
9 |
8º 50’ 00’’ |
43º 12’ 40’’ |
|
10 |
8º 48’ 40’’ |
43º 12’ 40’’ |
A solicitude foi admitida definitivamente, salvo mellor dereito e sen prexuízo de terceiros.
Todas as persoas que se consideren afectadas por este permiso de investigación poderán examinar o expediente na Sección de Minas da Xefatura Territorial da Consellería de Economía e Industria da Coruña, Edificio Administrativo Monelos, 2º andar, rúa Vicente Ferrer, nº 2, A Coruña e alegar por escrito todo o que crean oportuno. Para iso, terán un prazo de trinta días hábiles que comezarán a contar desde o día seguinte en que se publique este anuncio no Diario Oficial de Galicia, segundo o establecido polo artigo 21 da Lei 3/2008, do 23 de maio, de ordenación da minaría de Galicia (DOG nº 109, do 6 de xuño).
A Coruña, 1 de abril de 2013
Susana Mª Vázquez Romero
Xefa territorial da Coruña
