De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícaselle á persoa que se cita a continuación a incoación ditado pola Xefatura da Área Provincial de Pontevedra da Axencia Turismo de Galicia do expediente sancionador en materia de turismo número PO-S-8/2013 por infracción administrativa da Lei 7/2011, do 27 de outubro, de turismo de Galicia, xa que, intentada polos medios habituais, non se puido practicar.

Concédese un prazo de quince días, de conformidade cos artigos 3.2 e 16.1 do Real decreto 1398/1993, para que os interesados presenten alegacións, documentos e información que xulguen convenientes ou, de ser o caso, propoñan probas concretando os medios dos cales se pretendan valer. Expirado o prazo sen formularen alegacións, este acordo considerarase proposta de resolución, de acordo co disposto no artigo 13.2 do citado real decreto.

Expediente: PO-S-8/2013.

Titular sancionado: Gestión y Explotación de Restaurantes, S.L. CIF: B32398067.

Establecemento: Área de Servicios Ponteareas.

Enderezo: Autovía Vigo-Ourense, A 52 km 292, Ponteareas.

Concello: Ponteareas.

Data da incoación: 22 de xaneiro de 2013.

Feitos imputados: realización de actividades e prestación de servizos turísticos sen que se presente a correspondente declaración responsable ou se obtivese a preceptiva autorización turística, se é o caso.

Preceptos infrinxidos: artigo 35 da Lei 7/2011, de turismo de Galicia.

Sanción proposta: 3.000 euros, de conformidade co establecido no artigo 114.b) da Lei 7/2011, de turismo de Galicia.

Pontevedra, 22 de abril de 2013

Mª Ángeles Herrero Pérez
Xefa da Área Provincial de Pontevedra