Convocada por Resolución do 26 de novembro de 2012 (DOG nº 7, do 10 de xaneiro de 2013), a provisión do posto de xefatura de servizo de persoal licenciado sanitario correspondente ao Servizo de Atención Primaria de Noia, esta xerencia, en virtude das competencias atribuídas polo Decreto 311/2009, do 28 de maio (DOG nº 109, do 5 de xuño), polo que se establece a estrutura orgánica do Servizo Galego de Saúde, e da Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servizo Galego de Saúde, o xerente de Xestión Integrada de Santiago de Compostela

RESOLVE:

Primeiro. Resolver a convocatoria pública para a provisión do posto de xefatura de servizo de persoal licenciado sanitario, correspondente ao Servizo de Atención Primaria de Noia, convocado pola Resolución do 26 de novembro de 2012 (DOG nº 7, do 10 de xaneiro de 2013).

Segundo. Nomear, para o posto que se indica, a persoa citada no anexo desta resolución.

Terceiro. Contra a presente resolución poderá interpoñerse recurso de alzada ante a Dirección de Recursos Humanos do Servizo Galego de Saúde, no prazo dun mes, contado a partir do día seguinte ao da súa publicación, nos termos dos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro.

Santiago de Compostela, 9 de abril de 2013

Luis Verde Remeseiro
Xerente de Xestión Integrada de Santiago de Compostela

ANEXO

Posto: xefe de servizo de Atención Primaria de Noia.

Nome e apelidos: Antonio Francisco Calvo Guerrero.

DNI: 333245036P.