O 8 de abril de 2013 ditouse a Resolución de Alcaldía (Decreto número 115) pola que se resolve a aprobación inicial do estudo de detalle presentado por Pablo Alonso Lago (Proyfe, S.L.), en representación de Auténtica Generación Distribuida de Castilla y León, S.L. (AGD CyL, S.L.), co obxecto da ordenación de volumes e agrupación das parcelas 21-22 da zona Z3, subzona 1, do parque empresarial da Trabe, redactado pola arquitecta Lorena Pardiñas Lamas.
O dito acordo supón a suspensión de outorgamento de licenzas no ámbito regulado polo estudo de detalle por un prazo máximo de dous anos ou ata que se acorde a aprobación definitiva se for anterior.
Sométese a información pública polo prazo de vinte (20) días hábiles a partir do día seguinte ao da última publicación deste anuncio no Boletín Oficial da provincia, no Diario Oficial de Galicia e nun dos xornais de maior circulación da provincia.
Durante o dito prazo as persoas interesadas poderán examinar o seu contido presentándose na casa do concello, de luns a venres, das 9.00 ás 14.00 horas, e presentar as alegacións que consideren oportunas.
Cedeira, 11 de abril de 2013
Leopoldo Rubido Ramonde
Alcalde